Breaking news.21.1.2022

خبر شامل کرتے ہیں گھوٹکی سے ہمارے نمائندے مظھر احمد صدیقی کی رپوٹ کے مطابق تعلیم وقت کی اہم ضرورت ہے اور تعلیم ہی کی بدولت معاشرے کی ترقی ممکن ہے، اساتذہ والدین اور طلباء وطالبات ملکر معاشرے سے جہالت کے اندھیرے علم کی روشنی میں تبدیل کرسکتے ہیں، لیکن تعلیم کے ساتھ ساتھ اساتذہ کو طلباء وطالبات کی تربیت پر خصوصی توجہ دینی چاہیے، تعلیم ہی سے اقوام کی ترقی وابسطہ ہے اور وہ قومیں ہمیشہ ترقی کی راہ پر گامزن ہوتی ہے جن قوموں کی نوجوان نسل اعلیٰ تعلیم یافتہ، بہتر تربیت سے آراستہ ہو ان خیالات کا اظھار پیپلز پارٹی کے ایم این اے چیف سردار محمد بخش خان مہر نے شاہ عبدالطیف یونیورسٹی گھوٹکی کیمپس کا دورہ کرنے کے بعد میڈیا سے گفتگو کرتے ہوئے کیا اس موقع پر کیمپس کے پرو وائس چانسلر پروفیسر ڈاکٹر سید مقصود ضیاء نے ان کا پر تپاک استقبال کیا اور سندھ کی ثقافت اجرک کا تحفہ پیش کیا۔ ڈاکٹر سید مقصود ضیاء نے محمد بخش خان مہر کو کیمپس کے ترقیاتی کام اور مسائل سے متعلق مختلف امور سے آگاہ کیا۔ محمد بخش خان مہر نے ڈاکٹر سید مقصود ضیاء کی کاوشوں کو سراہا اور اس بات کی یقین دہانی کرائی کہ وہ کیمپس سے متعلق مسائل کو ترجیحی بنیادوں پر حل کرنے کی کوشیش کریں گے۔ ڈاکٹر سید مقصود ضیاء نے میڈیا سے گفتگو کرتے ہوئے اس عزم کا اظہار کیا کہ ہم ایم این اے محمد بخش خان مہر کے تعاون سے اور وائس چانسلر پروفیسر ڈاکٹر خلیل احمد ابوپوٹو کے وژن کی روشنی میں اس کیمپس کو نئی بلندیوں پر لے جانے کے لئے اپنی کوشش جاری رکھیں گے۔ اس موقع پر عمران مشتاق، کاشف آرائیں، بدر الدین چاچڑ، نصیر الدین اور دیگر بھی موجود تھے۔

خبر شامل کرتے ہیں سرگودھا سینئر جرنلسٹ ایم  احسان الحق کی رپورٹ کے مطابق/  شہر کو گندگی سے پاک کرنے کیلئے روزانہ خود صفائی انتظامات کو چیک کروں گا۔شہر کومثالی بنانے کیلئے ہر ممکن اقدامات اٹھائیں گے ذخیرہ اندوزی اور مہنگائی کرنے والے عناصر کو کیفر کردار تک پہنچا کر دم لیں گے دوکانوں پرآگ بجھانے آلات لازمی ہونے چاہیئے ۔ان خیالات کااظہار اسسٹنٹ کمشنر عظیم شوکت اعوان نے یونین آف جرنلسٹس کے دفتر میں میٹ دی پریس پروگرام کے شرکاء سے خطاب کرتے ہوئے کیا۔ انہوں نے اس بات پر زوردیتے ہوئے کہا کہ غیرقانونی پیٹرول پمپس اور گیس ریفیلنگ کا خطرناک دھندہ نہیں چلنے دیاجائے گا جس پمپ کی مشین بحق سرکارضبط کرلی  ۔انہوں نے یہ بھی کہا کہ سرگودھا خوبصورت لوگوں کاشہر ہے صحافی معاشرے کی آنکھ اورکان ہوتے ہیں  ۔انہوں نے یہ بھی کہاکہ تجاوزات کاخاتمہ میری اولین ترجیح ہے  انہوں نے مذید کہا کہ سرکاری رقبوں کو ہڑپ کرنیوالے قبضہ مافیا کیخلاف کارروائی ہوگی چاہے کوئی کتنابھی بااثر ہو اس کیخلاف مقدمات درج ہونگے قانونی کی بالادستی یقینی بنائے بغیر کوئی بھی معاشرہ ترقی نہیں کرسکتا۔ ۔ یونین آف جرنلسٹ ( برنا) کے صدر شیخ محمد رضوان ۔ جنرل سیکرٹری عبدالوہاب چوہدری  سینئر جرنلسٹ ایم احسان الحق۔/ ایم پرویز انصاری سینئر صحافی خالد اصغر شیخ نے مہمان ذی وقار کو میٹ دی پریس پروگرام میں خوش آمدید کہااور ان کی سرگودھا میں سابق تعیناتی میں اچھی کارکردگی کوسراہا اور اس توقع کابھی اظہار کیا کہ وہ حسبِ سابق شہر کی بہتری کیلئے اپنی تمام تر صلاحیتوں کو بروئے کار لاکرشہریوں کو بنیادی سہولتوں کی فراہمی میں اپنا کردار ادا کریں گے۔ اسٹیج سیکرٹری کے فرائض زوار حسین کاظمی نے سرانجام دیئے۔

لیہ:ڈپٹی کمشنر محمد شہباز حسین کا علی الصبح شہر کا دورہ صفائی کے ناقص انتظامات پر سخت برہم

ڈپٹی کمشنر محمد شہباز حسین جاگنگ ٹریک میں ایک عام شہری بن کر میونسپل کمیٹی جا پہنچے

سی او میونسپل کمیٹی کو موقع پر بلایا اسلم موڑ، عید گاہ روڈ، لیہ چوبارہ روڈ اور لیہ کوٹ ادو روڈ پر صفائی کا جائزہ لیا

سی او کو ناقص صفائی اور چوک سیوریج نظام دکھایا تمام میونسپل افسران اور اہلکاروں کا ریکارڈ طلب کر لیا

غیر حاضر اہلکاروں اور سینیٹری سٹاف کے خلاف فوری کارروائی عمل میں لائی جائے

تنخواہ صرف کام کرنے والے ملازمین کو ہی ملے گی کام چور اہلکار ضلع چھوڑ جائیں دو دن کے اندر صفائی اور چوک سیوریج سسٹم کو بہتر کیا جائے

*رپورٹ۔زوہیب خالد ڈسٹرکٹ رپورٹر سی ون نیوز لیہ*

خبرشامل کرتے ہیں شورکوٹ سے ہمارے سی ون کے نمائندہ محمدزاہدسروہی سے شورکوٹ وزیر اعظم کے منصبوبہ برائے دیہی مرغبانی کے فروغ کے تحت مرغیوں کی یونٹس کی تقسیم مرغیوں کے یونٹس محکمہ لائیو سٹاک آفس میں تقسیم  کیے گئے

ڈپٹی ڈائریکٹر لائیو سٹاک ڈاکٹر جاوید اقبال نے شہریوں میں مرغیوں کے یونٹس تقسیم کیے

دیہی مرغبانی منصوبہ کے فروغ کے تحت 1 مرغے اور 5 مرغیوں پر مشتمل 100 یونٹس تقسیم۔کیے گئے ہیں

مرغیوں کے یونٹس حکومتی سبسڈی پر فی یونٹ 1140 روپے پر فراہم کیے گئے ہیں 

درخواستیں زیادہ ہونے کی وجہ سے قراندازی کے زریعے یونٹس تقسیم کیے گئے ہیں 

شہری انڈوں اور گوشت کی کمی کو پورا کرنے کے لیے دیہی مرغبانی کو فروغ دیں،( ڈپٹی ڈائریکٹر ڈاکٹر جاوید اقبال)

اور اب خبر شامل کرتے ہیں مظفر گڑھ سے ملک کلیم اعوان کی رپورٹ کے مطابق :

 ڈسٹرکٹ پولیس آفیسر مظفرگڑھ حسن اقبال نے تھانہ روہیلانوالی میں ڈی ایس پی صدر و ایس ڈی پی او عمر حیات , ایس ایچ او تھانہ روہیلانوالی کاشف اصغر کے ہمراہ کھلی کچہری کا انعقاد کیا ڈی پی او نے پولیس سے متعلق مسائل سن کر موقع پر ہی ان کے حل کرنے کے فوری طور پر احکامات جاری کیے کھلی کچہری کا آغاز تلاوت قرآن پاک سے ہوا کھلی کچہری میں تھانہ کی حدود کے لوگوں نے بھرپور شرکت کی اور اپنے اپنے مسائل بیان کیے سائلین میں مختلف کیسز کے متعلق منظور احمد اکدھنول , محمد عل , عبدالعزیز , ریاض حسین , امبرین بی بی , عبدالطیف , کنیز مائی , محمد مجاہد , محمد صفدر و دیگر نے اپنے اپنے مسائل پیش کیے جس پر ڈسٹرکٹ پولیس آفیسر مظفرگڑھ نے ان سائلین کے مسائل کے حل کے موقع پراحکامات جاری کیے کھلی کچہری میں روہیلانوالی , ماہڑہ شہر کی صحافی برادری و ماہڑہ شہر و روہیلانوالی کے انجمن تاجران کے عہدیداروں نے شرکت کی اس موقع پر ڈی پی او مظفر گڑھ نے ڈی ایس پی صدر سرکل و ایس ڈی پی او عمر حیات , ایس ایچ او تھانہ روہیلانوالی کاشف اصغر کے ہارڈ ورک پر شاباش دی ڈی پی او مظفر گڑھ حسن اقبال نے میڈیا سے گفتگو کرتے ہوئے کہا کہ مظفرگڑھ پولیس لوگوں کی عزت ، جان اور مال کے تحفظ کے لیے ہر وقت کوشاں ہے اور فرض کی راہ میں کسی بھی قربانی سے دریغ نہیں کیا جائے گا

گجرات سے سی ون نیوز کے نمائندہ ادریس احمد کی ریورٹ کے مطابق ۔

   ڈپٹی کمشنر ڈاکٹر خرم شہزاد کی زیر صدارت اجلاس منعقد ہوا جس میں ٹائیگر فورس کے ڈسٹرکٹ انچارج سہیل رفیق۔

ڈسٹرکٹ کوآرڈینیٹر علی وسیم طور۔

ڈسٹرکٹ کوآرڈینیٹر ایکسٹرنل افیئرز آصف علی اور انکی پوری ٹیم نے ملاقات کی۔

ڈپٹی کمشنر گجرات نے  ٹائیگر فورس ٹیم کی اب تک کی کارکردگی کا جائزہ لیا اور ٹیم کی خدمات کو خوب سراہا اور خراجِ تحسین پیش کیا۔

 ان کا  مزید کہنا تھا کہ ٹائیگر فورس جب سے وجود میں آئی ہے ۔ ہر پلیٹ فارم اور ہر جگہ پر  ٹائیگر فورس کے اہلکار مختلف اضلاع میں اپنی خدمات انجام دے رہے ہیں جن میں ٹائیگر فورس گجرات کی کار کردگی اور خدمات اپنی مثال آپ ہیں۔ 

ان کا مزید کہنا تھا کہ ٹائیگر فورس گجرات کی ایک خوبی یہ ہے کہ یہ انتہائی منظم انداز میں اپنی خدمات پیش کر رہی ہے۔جس کی جتنی تعریف کی جاۓ وہ کم ھے۔یاد رہے کہ ماضی میں ٹائیگر فورس  گجرات کی ٹیم  ضلعی انتظامیہ کے ساتھ ملکر ہر پلیٹ فارم پر      عوام کو سہولتیں فراہم کرنے میں پوری محنت ۔لگن اور جذبے کے ساتھ   خدمات میں پیش پیش رہی ھے۔

 ڈپٹی کمشنر نے کرونا کی صورتحال کے حوالے سے ٹائیگر فورس کو الرٹ کیا اور آیندہ کے لائحہ عمل پر مختلف امور پر اظہار خیال کیا ۔اور اس بات پر اطمینان کا اظہار کیا کہ جس طرح ماضی میں ٹائیگر فورس کرونا وائرس کے دوران ہر جگہ معاون رہی  آیندہ بھی اسی طرح ہر پلیٹ فارم پر اپنی خدمات پیش کرتی رہے گی۔

 جس پر ڈسٹرکٹ انچارج ٹائیگر فورس سہیل رفیق  نے  ڈپٹی کمشنر کو  اس بات کی یقین دہانی کروائی کہ ہمارے رضاکار انسانیت کی خدمت کے لئے ہمہ وقت تیار ہیں۔اور پہلے سے بڑھ کر عوام کی خدمت کے لئے  پرعزم اور  پرجوش ہیں۔

خبر شامل کرتے ہیں گھوٹکی سے ہمارے نمائندے مظھر احمد صدیقی کی رپوٹ کے مطابق گھوٹکی تھانہ اے سیکشن کی حدود میں چند روز قبل بے دردی سے قتل ہونے والی خاتون نہیلان کھوسو کے قاتل تاحال گرفتار نہ ہوسکے، قاتلوں کی عدم گرفتاری اور پولیس کی ناکامی کے خلاف کھوسہ اتحاد کے رہنماؤں میر احمد علی خان کھوسو، عبد الشکور خان کھوسو، ایڈووکیٹ شفیع محمد کھوسو، ناصر حسین کھوسو اور دیگر نے پریس کانفرنس کرتے ہوئے کہا کہ چند روز قبل مسمات نہیلان کھوسو کو بے دردی سے قتل کیا گیا تھا، تاحال گھوٹکی پولیس قاتلوں کو گرفتار نہیں کر سکی ہے انہوں نے مزید کہا کہ مقتولہ نہیلان کھوسو کے قاتلوں کی گرفتاری کے لیے پولیس ورثاء سے کسی قسم کی کوئی بھی مدد نہیں کررہی ہے رہنماؤں نے آئی جی سندھ، ڈی آئی جی سکھر اور ایس ایس پی گھوٹکی سے مطالبہ کیا ہے کہ نہیلان کھوسو قتل کیس کا نوٹس لے کر قاتلوں کو فوری طور پر گرفتار کیا جائے اور ورثاء کو انصاف فراہم کیا جائے۔