Breaking news1ta30/5/2022

زین سرا مکس  فیکٹری مالکان کی طرف سے نجی محفل کا اہتمام ۔   گجرات سے ہمارے نمائندے ادریس احمد نے بتایا  زین سرامکس فیکٹری کے افتتاح کے موقع پر فیکٹری مالکان استاد محمد یعقوب ۔مرزا عثمان اسلم ۔مہر محمد قاسم ۔چوہدری معیض کی طرف سے نجی محفل کا اہتمام کیا گیا جس میں  دوستوں اور علاقہ کے معززین نے بھرپور شرکت کی۔

محفل کا باقاعدہ آغاز تلاوت کلام پاک اور خصوصی دعا سے کیا گیا۔خصوصی شرکت کرنے والوں میں چوہدری مدثر۔مرزا فیضان۔ملک ارزم۔ذیشان افضل۔ عثمان جٹ ۔استاد محمد یونس ۔محمد مقبول اور دیگر نے شرکت کی۔  فیکٹری کے کام میں برکت اور کام کرنے والے مزدوروں کی صحت تندرستی کے لئے خصوصی دعا کی گئی۔ فیکٹری  مالکان نے گفتگو کرتے ہوے بتایا کہ فیکٹری میں کام کرنے والا ہر مزدور ان کے لیے وی آئ پی کی حیثیت رکھتا ھے اور فیکٹری کا ایک اہم حصہ ھے۔ ہم ان کے لیے مکمل سہولیات مہیا کرنے کے لیے ہر وقت تیار ہیں۔شرکت کرنے والے احباب کے لیے باربی کیو کا بھی اہتمام کیا گیا تھا۔محفل کے اختتام پر مالکان کی طرف سے آنیوالے احباب کا خصوصی شکریہ ادا کیا گیا ۔

گجرات پولیس کا پتنگ فروشوں کے خلاف بڑا آپریشن 

تھانہ شاہین پولیس نے دوران کاروائی پتنگیں سپلائی کرنے والا ملزم رنگے ہاتھوں گرفتار کرکے 1200پتنگیں اور 3عدد ڈوریں برآمد کرلیں۔

تفصیلات کے مطابق ڈی پی او گجرات عمر سلامت کی ہدائیت پرپولیس کا ضلع بھر میں پتنگوں کی خریدوفروخت کرنے والے افراد کے خلاف آپریشن جاری ہے۔ جس میں ڈی ایس پی سٹی پرویز اقبال گوند ل کی زیر نگرانی ایس ایچ او تھانہ شاہین عامر سعید اور ASIمحمد اکرم نے خصوصی کارروائی کرکے مختلف علاقوں میں پتنگیں سپلائی کرنے والا ملزم رنگے ہاتھوں گرفتار کرکے بڑی تعداد میں تیار پتنگیں معہ ڈوریں برآمدکرلیں۔ پولیس نے گرفتار ملزم محمود الحسن ولد سلامت علی ساکن گلوٹیاں کلاں ضلع سیالکوٹ سے 1200پتنگیں اور 3عدد ڈوریں چرخی نما برآمد کرکے مقدمہ درج کرلیا۔تفتیش مقدمہ جاری ہے۔

اب خبر شامل کرتے ہیں جھنگ سے وہاں پر ہمارے سی ون نیوز کے ڈسٹرکٹ بیوروچیف شیخ عرفان حیدر کی رپورٹ کے مطابق 

مولانا قاری ادریس عاصم کی وفات پر تمام اہلحدیث غم ذدہ ہیں قاری حنیف ربانی 

مرکزی جمعیت اہلحدیث ضلع جھنگ کے زیراہتمام حویلی بہادرشاہ جھنگ کے علاقہ بستی بھگتاں میں بہت بڑا پروگرام  درس قرآن وحدیث کے عنوان پر منعقد ہوا  پروگرام میں مرکزی جمعیت اہلحدیث پاکستان کے مرکزی رہنما قاری محمدحنیف ربانی نے کہا قاری محمدادریس عاصم کی وفات سے تمام اہلحدیث غم زدہ ہے پروگرام میں قاری بنیامین عابد آف اوکاڑہ مولانا بدرنصیر سلفی مولانا منظراقبال فاروقی مولانا سرفراز حیدر مولانا محمدرفیق شورکوٹی  نے خطابات فرمائے پروگرام حافظ نعیم الحق امیرمرکزی جمعیت اہلحدیث ضلع جھنگ کی امارت میں  انعقاد پذیر ہوا

جی خبر شامل کرتے ہیں شیخوپورہ سے ہمارے سی ون نیوز کے ڈپٹی  بیورو چیف رائے محمد ارشاد  کی رپورٹ کے مطابق

شیخوپورہ۔دو روز قبل لاپتہ ہونے والے بیوپاری کی لاش برآمد

شیخوپورہ۔مقتول کی نعش رانا ٹاؤن کے قریب نالے سے برآمد

 شیخوپورہ مقتول کی شناخت غضنفر کے نام سے ہوئی ہے۔

شیخوپورہ۔مقتول مویشی منڈی سے دو لاکھ کاجانور فروخت کرکے آیا تھا

شیخوپورہ۔لواحقین کا سعید چوک میں لاش رکھ کر احتجاجی مظاہرہ روڈ بلاک 

شیخوپورہ۔

خبرشامل کرتے ہیں شورکوٹ سے ہمارے نمائندہ محمدزاہدسروہی  سےشورکوٹ پتن روڈ ٹول پلازہ کے قریب خالی میدان میں پڑی گنے کی کھوری کوآگ لگنےکی اطلاع ریسکیو ٹیمیں روانہ۔ 

تفصیلات کے مطابق نامعلوم وجہ سے  اچانک آگ بھڑک اٹھی۔

ریسکیو ٹیمیں بر وقت جائے حادثہ پر پہنچ گئیں اور امدادی کام شروع کر دیا۔ 

 ریسکیو 1122نے موثر انداز سے فائر فائٹنگ کرتے ہوئے 4 گھنٹے بعد آگ پر قابو پالیالیکن کولنگ کا عمل ابھی جاری ہے تاہم  کوئی جانی نقصان نہیں ہوا۔

*ریسکیو 1122 زرائع*

 خبر شامل کرتے ہیں گھوٹکی سے ہمارے نمائندے مظھر احمد صدیقی کی رپوٹ کے مطابق تبلیغ قرآن و سنت کی عالمگیر غیر سیاسی تحریک دعوت اسلامی کے زیر اہتمام گھوٹکی جامعۃ المدینہ بوائز کی افتتاحی تقریب مدنی مرکز فیضان مدینہ گھوٹکی میں منعقد کی گئی جس میں رکنِ شوریٰ ترجمان دعوت اسلامی مولانا عبدالحبیب عطاری، صوبہ سندھ کے نگران رکن شوریٰ قاری محمد ایاز عطاری، علامہ مولانا محمد احمد چستی، مولانا حمد پھنل سکندری، ڈویزنل صدر سنی تحریک راؤ محمد نوید قادری، محمد طلحہ سعیدی، رانا مشتاق، نگران فیضان مدینہ گھوٹکی کلیم حسین عطاری، محمد شاھد عطاری، احمد علی عطاری، محمد وسیم عطاری، واحد بخش عطاری، کاشف عطاری، محمد نواز عطاری، محمد کامران عطاری سمیت علمائے اکرام مختلف شعبوں سے تعلق رکھنے والی اہم شخصیات نے بڑی تعداد میں شرکت کی اس موقع پر گھوٹکی جامعتہ المدینہ کا افتتاح کرنے کے بعد سنتوں بھرے اجتماع سے خطاب کرتے ہوئے رکنِ شوریٰ ترجمان دعوت اسلامی مولانا عبدالحبیب عطاری نے کہا کہ مسلمانوں کی نجات قرآن پاک کی تعلیمات اور سنت نبوی ﷺ کی پیروی میں ہے، آج ہرشخص پریشان و اضطراب میں مبتلا ہے، پریشانیوں اور مشکلات سے چھٹکارا چاہتے ہیں اور اپنی زندگی کو کامیاب بنانا چاہتے ہیں تو اللہ تعالی کی کتاب قرآن مجید فرقان حمید کی تعلیمات پر عمل کریں، انہوں نے کہا کہ آج مسلمانوں کو قرآن مجید سے اپنے تعلق کو مضبوط کرنے کی ضرورت ہے، آقائے دوجہاں حضرت محمد ﷺ فرماتے ہیں کہ جس دل میں قرآن نہیں وہ دل ویران ہے، حضور ﷺ کا فرمان ہے بہترین انسان وہ ہے جو قرآن خود پڑھتا ہے اور پڑھاتا ہے، انہوں نے مسلمانوں پر زور دیتے ہوئے کہا کہ پانچ وقت کی نماز کی پابندی کی کریں، ذکر، اذکار اور دورو سلام کو اپنی زندگی کا حصہ بنائیں، انہوں نے کہا کہ دعوت اسلامی صحرائے تھر سے لیکر افریقا سمیت دنیا بھر میں دین کے ساتھ فلاحی کام بھی کررہی ہے۔

Breaking news1ta30/4/2022

منڈی بہائوالدین: ملک وال کے نجی کالج کے زیراہتمام کلچرل فیسٹیول اور سپورٹس گالا کا انعقاد، طلباء و طالبات کی بھرپور شرکت، صوبوں کی ثقافت کو اجاگر کرنے کیلئے ٹیبلوز پیش کئے...

منڈی بہائوالدین میں پنجاب گروپ آف کالجز ملک وال کے زیراہتمام کلچرل فیسٹول کا انعقاد کیا گیا جس میں طالبات نے صوبوں کی ثقافت کو اجاگر کرنے کیلئے روایتی لباس بھی زیب تن کر رکھا تھا، شرکاء نے گھڑڈانس اور ڈھول کی تھاپ پر روایتی رقص بھی پیش کیا۔ طالبات کا کہنا تھا کہ کلچرل فیسٹیول کا مقصد تمام صوبوں کی ثقافت و روایات سے آگاہی اور قومی یکجہتی کا فروغ ہے۔ تین روزہ سپورٹس فیسٹیول میں آج کرکٹ کے مقابلہ جات کروائے گئے جس میں بلوچستان ٹائیگرز کی ٹیم نے فائنل میچ میں فتح حاصل کر کے ٹورنامنٹ اپنے نام کر لیا۔ طلباء نے گفتگو کے دوران کہا کہ تعلیم اور کھیل لازم و ملزوم ہیں، نصابی سرگرمیوں کے ساتھ ساتھ غیرنصابی سرگرمیاں بھی ذہنی و جسمانی نشوونما کیلئے ازحد ضروری ہیں۔ بعدازاں کالج کے ڈائریکٹرز و پرنسپل صاحبان کا کہنا تھا کہ ادارہ ہذا ہمیشہ طلباء و طالبات کو جدید تقاضوں کے مطابق زیور تعلیم سے آراستہ کرنے کیلئے کوشاں ہے اور انہیں عملی زندگی میں کامیاب شہری بنانے کے لئے تعلیم کے ساتھ تربیت پر بھی خاص توجہ دیتا ہے۔ آخر میں نمایاں کارکردگی کا مظاہرہ کرنے والے بچوں میں انعامات بھی تقسیم کئے گئے...

رپورٹ بیورو چیف عبدالقیوم جروار

او سی 

نوکوٹ پولیس نے اغوا اور جنسی زیادتی اور پولیس حملے کے 31 ملزمان کو ڈگری عدالت میں پیش کردیا.

وی او

 نوکوٹ پولیس نے اغوا زیادتی اور پولیس حملے کے 31 ملزمان کو ڈگری کی عدالت میں پیش کیا.سول جوڈیشل مجسٹریٹ ٹو ڈگری نے 22ملزمان کو چار دن کے ریمانڈ پر پولیس کے حوالے کردیا. نوکوٹ کیس میں پولیس نے مزید دو ملزمان ملک محمد نظر کو ڈگری عدالت میں پیش کیا. سول جوڈیشل مجسٹریٹ ٹو ڈگری نے  9 ملزمان کو جیل کسٹیڈی کے حوالے کردیا.سول جوڈیشل مجسٹریٹ ٹو ڈگری 31 ملزمان میں سے  22ملزمان کو چار دن کے ریمانڈ پر پولیس کے حوالے اور 9 ملزمان کو جیل کسٹڈی حوالے کیا گیا..

پاہڑیانوالی: پاکستان مسلم لیگ ن، حلقہ پی پی 66 کے رہنما حاجی منور حسین تارڑ نے کہا ہے پاکستان تحریک انصاف کو اس لئے خیر باد کہا کہ وہ حکومت میں ہق کر بھی عام شہری کو معاشی حقوقِ دینے میں بری طرح سے ناکام رہی 

پاہڑیانوالی میں مسلم لیگ ن کے راہنماوں چوہدری محمد یوسف وڑائچ، قمر عباس وڑائچ اور سید حسنین رضا شیرازی کے ہمراہ پاہڑیانوالی پریس کلب میں ہنگامی پریس کانفرنس سے خطاب کر عہے تھے انکا کہنا تھا کہ مہنگائ  ،لاقانونیت ،امن وامان کی بگڑتی صورتحال اور میڈیا پر جبروتشدد میں ملوث حکومتی پالیسیوں کی بھرپور مذمت کرتے ہیں،حکومت نے عوام پر پٹرول بم گرا کر مزدور،کسان،تنخواہ دار اور سفید پوش طبقات کا گلا گھونٹ دیا ہے، انکا کہنا تھا کہ پاکستان مسلم لیگ ن میں شمولیت اختیار کرنے والے حاجی منور حسین تارڑ کا کہنا تھا کہ پی ٹی آئی کے ساتھ میری رفاقت دس سال رہی لیکن حکومت میں آنے کے بعد انتہائی مایوس کن کارکردگی اور غریب عوام کی زندگی اجیرن کرنے پر پارٹی کو خیر باد کہہ دیا ہے میری طرح کئی دیگر اہم لوگ بھی عنقریب پارٹی کو خیر باد کہہ دیں گے۔

رپورٹ خالد محمود وڑائچ ڈسٹرکٹ کرائم رپورٹرسی ون نیوز منڈی بہاوالدین

شکرگڑھ دوشیزہ قتل کیس کا ڈراپ سین ۔

او۔سی۔

دو ماہ قبل قتل ہونے والی دوشیزہ اقصیٰ بی بی کا ڈراپ سین ہوگیا۔منگیتر ہی قاتل نکلا۔ اقبال جرم کرتے ہوئے کہا کہ غیرت کے نام پر قتل کیا ہے کوئی ندامت نہیں پولیس نے بلائنڈ مرڈر ٹریس کر کے پابند سلاسل کر دیا۔۔شکرگڑھ سے رپورٹ کر رہے ہیں شہزاد حسین

وی۔او۔

دو ماہ قبل شکرگڑھ کے تھانہ شاہ غریب کی حدود گاؤں طالب پور میں اندو ہناک واقع پیش آیا جس میں غریب  بھٹہ مزدورمحمد ریاض کی  بیس سالہ بیٹی اقصیٰ کو اغواء کے بعد قتل کر کے کھیتوں میں پھینک دیاجس کی ایف آئی آر تھانہ شاہ غریب میں درج کر لی گئی یہ بلائنڈ مرڈر پولیس کے لیے بہت بڑا چیلنج بنا ہوا تھا ڈی پی او کے احکامات کی روشنی میں مقامی پولیس نے جدید ٹیکنالوجی اور ہیومین ریسورسز کی مدد سے دانش علی جو کہ مقتولہ کا چچا زاد کزن اور منگیتر  بھی تھا کو سود گجراں سے ٹریس کر کے آلہ قتل اور موٹر سائیکل برآمد کر کے حوالات جوڈیشل بجھوا دیا  ملزم اتنا شاطر تھا کہ قتل کے کرنے کے بعد تلاش کرتا رہا اور  تھانے ایف آئی آر کے لیے بھی پہنچ گیا ۔ملزم کے مطابق وہ مقتولہ سے شادی نہیں کرنا چاہتا تھا اس کو اس کے کردار پر شک تھا ۔۔۔۔ساٹ ملزم۔۔۔

والد کے مطابق ملزم اس کو اغواء کر کے حرام کاری کی نیت سے  لے گیا اور ویرانے میں قتل کر کے نعش کھیتوں میں پھینک دی ۔انصاف کے لیے وزیر اعلیٰ سے اپیل کر دی۔۔۔ساٹ والد۔

ڈی ایس پی  ساٹ اٹیچڈ

خبر شامل کرتے ہیں لودھراں سے عبیدالرحمن کی اس رپورٹ میں

جنوبی پنجاب انٹر ڈسٹرکٹ فائرنگ مقابلے میں ضلعی پولیس لودھراں تین گیٹکریز میں پہلے نمبر پر گزٹڈ رینک ایس ایم جی مقابلے میں ڈی پی او لودھراں عبدالرؤف بابر کی پہلی پوزیشن ایم پی فائیو فائرنگ مقابلے میں سب انسپکٹر شیخ سلیم کا پہلا نمبر۔جی تھری فائرنگ مقابلے میں ہیڈ کانسٹبیل راشد حفیظ کی پہلی پوزیشن رہی مقابلوں میں ایڈیشنل آئی جی ساؤتھ ظفر اقبال سمیت تمام آرپی اووز اور ڈی پی اووز نے حصہ لیا ایڈیشنل آئی جی ساؤتھ کپیٹن ریٹائر ظفر اقبال نے ڈی پی او عبدالرؤف بابر کو میڈل پہنایا سب انسپکٹر اور ہیڈ کانسٹبل کو بھی ایڈیشنل آئی جی ساؤتھ نے میڈل پہنائے، انعامات دیے۔ ڈی پی او لودھراں عبدالروف بابر کا کہنا تھا کہ فائرنگ مقابلے کی تینوں کیٹگریز میں لودھراں کی پہلی پوزیشن اعزاز ہے انعامات سے حوصلے بلند، کارروائی میں بہتری آئے گی

خبر شامل کرتے ہیں ساہیوال سے سی ون نیوز کے نمائندہ یاسر محمود کی رپورٹ کے مطابق، 

    دوسرے شہروں کی طرح ساہیوال میں بھی حضرت علی علیہ السلام کے جشِ ظہور پربھی انجمن فروشاں ایسوسی ایشن کے زیِراہتمام شاندار پُرجوش تقریب میں کیک کاٹنے کا انعقادہوا

وضاحت کے بتاتے چلیں کہ کہ صدر چوک میں انجمن فروٹ فروشاں ایسوسی ایشن کے زیرِاہتمام شیرِخداحضرت علی ؑ کے یومِ ولادت پرعقیدت مندانہ طور پر ایک پُرجوش تقریب کا انعقاد ہواجس میں تنظیم کی طرف سے کیک کاٹا گیا اس پُرنور تقریب میں بطور مہمانِ خصوصی سیاسی رہنما چوہدری شفقت جاویدنے شرکت کی مہمانانِ گرامی پیپلزپارٹی کے سٹی صدرایڈووکیٹ شیخ یاسر روُف ۔چیئرمین انجمن فروٹ منڈی چوہدری سرور جتالہ۔چیئرمین شیخ محمد عثمان۔چیئرمین پازیٹو گروپ تاجران ملک احسان۔چیئرمین عوامی گروپ رانا مدثر۔جنرل سیکرٹری صدر بازار رانا فاروق۔سٹی جنرل سیکرٹری پی پی پی راحیل اکرم۔رہنما سلیم بھٹی۔سیاسی رہنما ملک معظم۔پومی بھائی۔رہنما پی پی رانامحمدشریف۔افی شاہ راناوسیم اور سیداسدعباس شاہ تھے اس پُرجوش تقریب  میں سینکڑوں عقیدت مندوں نے شرکت کی تمام شُرکاء نےشاندارتقریب کروانےپرانجمن کے سرپرپرست اعلٰی نورحسن بھٹی۔صدر اکرم عباسی شیخ طاہرحمید ۔عدنان ٹیپو۔جاوید رحمانی۔ ملک دلبر۔اعجازججی اور پوری انجمن کومبارکباددی تقریب کے،

حیسکو کے چیف ایگزیکٹو افسر نوراحمد سومرو نے ٹیلی فونک ای کچھری کے ذریعے حیسکو ریجن کے صارفین کی بجلی سے متعلق شکایات سنیں اور انہیں بروقت حل کرنے کے احکامات جاری کیے

حیدرآباد سے سی ون کے نمائندے مانی پٹھان کے مطابق

حیسکو چیف نور احمد سومرو کی قیادت میں منعقد کی گئی کُھلی کچہری میں ٹوٹل23 شکایات موصول ہوئیں 

جن میں سے 18 شکایات موقعے پر حل کردی گئیں جبکہ باقی 5 شکایات کو فوری حل کرنے کے لیئے۔متعلقہ آفس کے ایس۔ای۔اور ایکسئین کو ہدایات جاری کرتے ہوئے کہا گیا کہ جلد سے جلد  ان شکایات کو بھی حل کیا جائے۔ اس موقعے پر حیسکو چیف نور احمد سومرو کا کہنا تھا کہ اومی کرون کرونا کی وجہ سے وی ٹیلی فونک کھلی کچھری کرکے عوام کی بجلی کے متعلق شکایات کو سننے کے ساتھ ان شکایت کو فوری حل بھی کررہے ہیں۔حیسکو چیف نے کہا کہ انکا اصول ہے کہ سب سے پہلے عوام اس کے بعد کام اور حیسکو کا ھر ملازم حیسکو کا رکھ والا ہے۔اس لیئے ہم سب مل کر اس کا تحفظ بھی کرینگے اور اس کی نیک نامی کے لیئے بھی مل کر کام کرینگے۔اس موقعے پر چیف انجینیرز فاروق رشید۔ سرفراز احمد۔ عبدالرحیم سومرو۔مینیجر کمرشل۔زکی مختار۔ ڈپٹی ڈائریکٹر کمپلینٹ سیل امبر شاہ۔۔محمد علی، ڈپٹی مینیجر کمپیوٹر ۔محمود احمد۔پی ایس او عرفان کریم شیخ۔اور ترجمان حیسکو محمد صادق کبر بھی موجود تھے۔

وزیراعظم عمران خان سے وزیراعلیٰ پنجاب سردار عثمان بزدارکی ملاقات۔

ملاقات میں چیف سیکرٹری پنجاب کامران علی افضل اور آئی جی پنجاب راؤ سردار علی خان کی بھی شرکت۔

ملاقات میں صوبہ پنجاب کی سول انتظامیہ اور امن و امان سے متعلق امور پر تبادلہ خیال۔ ترقیاتی منصوبوں کی پیشرفت پر تفصیلی بریفنگ۔

وزیراعظم نے صوبے میں عام آدمی کو فوری اور موثر خدمات کی فراہمی کے لیےبھرپوراقدامات کرنے کی ہدایت کی۔ انہوں نے عوام کے جان و مال اور مفادات کے تحفظ کے لیے شرپسندوں، ذخیرہ اندوزوں، اور قبضہ مافیا کے خلاف بھی موثر اقدامات کرنے  کی ہدایت کی۔

 

Breaking news1ta30/3/2022

خبر شامل کرتے ہیں جھنگ سے وہاں  پر ہمارے سی ون نیوز کے ڈسٹرکٹ بیوروچیف شیخ عرفان حیدر کی رپورٹ کے مطابق  

اورنگزیب شیخانہ ضلعی صدر  شیخانہ سیال اتحاد گروپ جھنگ کے ڈیرے پر ایک پروقار میٹنگ کا انعقاد ہوا جس میں پنجاب بھر سے شیخانہ قوم نے بھرپور شرکت کی 

 خصوصی شرکت سید آغا حسین شاہ اڈا شادی شیخن جھنگ اور عامر بٹ پیر محل اور جملہ کمیٹی ممبران اور بانی گروپ شیخانہ سیال اتحاد مہر غلام عباس ایریا سیلز آفیسر ہائی سن پرائیویٹ لمیٹڈ ملتان اور مہر محمد رمضان طاہر آف اوکاڑہ ایریا مینجر اپرشنزHBLسیکیورٹی نے میٹنگ میں فنڈ ریزنگ کے بارے میں گفتگو کی گئی اور فنڈ کے استعمال کے حوالے سے کافی لوگون سے اظہار خیالات کیا اور ایک پلیٹ فارم کو لے کر چلنے اور اپنے مشن کو عملی شکل میں سر انجام دینے کے وعدے کیے 

 میٹنگ میں ویلفیر کلینک اور قرض حسنہ کا پلین کیا گیا تا کہ شیخانہ قوم کو ترقی کی راستے پر پہنچایاجاۓ ظفر اقبال فنانس سیکرٹری نے موجودہ فنڈ کی تفصیل دی اور آخر پر دربار عالیہ حضرت شیخ علی رحمتہ اللہ پر حاضری پیش کی گئی گدی نشین دربار عالیہ میاں محمد نواز المعروف صادق علی شیخانہ نے دعاؤں سے نوازا میٹنگ میں  

ظفر عباس شیخانہ انچارج آپریشن ctd کراچی پولیس اور رمضان گڈو آف عبدالحکیم نے ویڈیو لنک پر اور مہر امتیازحسین چیرمین مہر علی رضا لاھور مہر حامد علی چک نمبر 230؛ وقار مہدی شیخانہ ایم ملت ٹریکٹر سرگودھا؛ ناصرحسین شیخانہ ایریگیشن ڈیپارٹمنٹ سرگودھا؛ زوار علی رضا شیخانہ سرگودھا؛محمد شریف سرگودھا؛  مہر بشیر احمد قادری شیخ فاضل پروفیسر عابد حسین شیخانہ وائس پرنسپل ہائر سیکنڈری سکول ملتان ؛حسنین علی شیخانہ نیوز رپورٹرحویلی کورنگا؛ پروفیسر محمد علی شیخانہ؛ غلام شبیر شیخانہ بینک آفیسر خانیوال؛ طارق حسین شیخانہ عبدالحکیم سیفٹی مینجر پاکستان نیسلے پاکپتن محمدشریف اور مہر  اورنگزیب شیخانہ اللہ ھو ہوٹل جھنگ

آغا حسین شاہ اور عامر بٹ نے قوم کے اتحاد کو سراہا اور اسکی فلاح کے لیے دعا کی سماجی شخصیت محمد خان شیخانہ چک 230 جھنگ شاہد اقبال شیخانہ ذاکر تنویر عباس شیخانہ؛ ثقلین عباس شیخانہ؛محمد شریف شیخانہ لاھور یونیورسٹی جھنگ تصور عباس شیخانہ کراچی پولیس مہر مصور عباس شیخانہ پنجاب پولیس جھنگ ذاکر انتظار حسین شیخانہ اور ذوالفقار شیخانہ چکنمبر 230 اور دیگر شیخانہ قوم کے معزز ممبران نے بھرپور شرکت کی اور مہر اورنگزیب شیخانہ نے گروپ ممبران کے لئے بھرپور عشائیہ بھی دیا

جڑانوالہ۔ 

 سالانہ بسم اللہ ڈے  2022/ڈھیروں خوشیاں بکھیرتا الوداع ہوگیا۔بسم۔اللہ آرٹ اکیڈمی میں ہزاروں خوش نصیبوں نے بسم اللہ کے مقدسات کی زیارت کی ۔ بسم ا للہ ڈے کی تقریب میں میڈیا نمائندگان  نے بھرپور طریقے سے شمولیت اختیار  کی۔ چئرمین بسم ا للہ آرٹ اکیڈمی تنویر رضا نے  سب آنے والے صحافی بھائیوں اور مہمانوں کا شکریہ ادا کیا۔ اور بسم ا للہ ڈے کے بارے خطاب کیا۔ معروف سیاسی راہنما راجہ ندیم اکبر حیات نے بسم ا للہ کی برکت اور فوائد پر روشنی ڈالی ۔ میاں۔علی دانش۔نے اپنے ہاتھوں سے تیار کیے ہوئے فن پاروں کے متعلق بتایا۔تقریب سے خطاب کرتے ہوئے صدر میڈیا پریس کلب ملک عرفان خلیل نے کہا کہ بسم اللہ اکیڈمی کی بہت اچھی کاوش ہے کہ انہوں نے ویلنٹائن ڈے کو ختم کرکے بسم اللہ ڈے منانا شروع کیا ہے  بسم اللہ اکیڈمی گروپ کے تمام ممبران کا شکریہ ادا کیا ۔اور کہا کہ اللہ پاک اس پروگرام کو دن دگنی رات چوگنی ترقی عطا فرمائے ۔تاکہ ہماری آنے والی نسل اور ہم اور ہمارے بچے بے حیائی سے محفوظ رہ سکیں ۔

 ‏ٹیم سرِعام کے اینکر اقرار الحسن پر بد ترین تشدد  زخمی حالت میں عباسی اسپتال منتقل ، زرائع اسپتال سر میں  ٹانکے لگے ۔۔

اللہ پاک اقرار  بھاٸی کو اپنے حفظ و امان میں رکھیں